點心瑪莉 (已結業)

屯市新开左「点心玛莉」，仲要系吴若希做代言人，一于去试下。有几款点心既样都几特别，例如：真系冬菇包、奶皇小猪包、玛莉蜂巢燕窝蛋挞。「真系冬菇包」既外表成个冬菇咁，啡色既颜色系朱古力粉，整个系面粉黎，内面既馅料系冬菇。呢个包真系好特别！「奶皇小猪包」外表成个猪仔咁，内面系奶皇，味道比传统既淡左D，无咩特别。「玛莉蜂巢燕窝蛋挞」就系一早整定，放左门口厨窗位，唔系热辣辣，不过味道OK，细细只，唔会太甜，有燕窝系面到。「鲍鱼香菇烧卖」系餐牌既相片同实物完全系两会事，相片就有只鲍鱼仔系个烧卖上面，而实物就只系有片鲍鱼系烧卖上面，另外好似无香菇系内面，不过佢既味道OK既！「XO酱鲈鱼扒肠粉」唔贵兼大件，唯一吊诡既地方系肠粉还肠粉，鱼还鱼，而XO酱真系好真材实料，有辣椒、干瑶柱等。「香葱胡椒包」非常大件，包内面有猪肉同胡椒腌埋既馅，好重胡椒味，都OK！小结，点心都不过不失，而价钱中规中矩，可以试试。