和藏 (已結業)

经朋友介绍知道呢座工厦有得食半自助式既自助餐，食物种类又多，一于黎试下！呢度环境几舒服，同三五知己来都有私人空间可以倾下计～半自助式系因为佢哋除左有自助式仲包括左指定菜式...头盘就有刺身拼盘，除咗一般嘅三文鱼、带子、象拔蚌、希灵鱼、生虾等等，仲有大响螺！肉质清甜又有咬口，好正呢个黑松露酱伴鲜露整既鲍鱼，好香黑松露味，加埋鲜露令到鲍鱼嘅鲜味再提升煎USA佐肩牛可以自己煎有得玩有得食，牛肉肥瘦均匀，好香牛味，完全唔会韧。酱汁大虾见到就已经流晒口水，虾肉好实、好鲜甜，加上酱汁别具滋味！我个人比较钟意食有骨嘅嘢，呢个盐烧三文鱼旗岩晒我，外层好香脆，连d骨都食得！唔识挑骨既都岩食！重点系入面嘅肉非常鲜嫩车打芝士脆件好邪恶！芝士拉到超级长！！面包又好脆好脆！！食到咁上下就出去行吓睇吓有咩好食，海鲜方面有青口、田螺、小龙虾等等..另外仲有烧物，种类都算多。烧元贝一d都唔马虎，中等size嘅元贝淋上酱汁再加上一啲蟹子，口感丰富！仲有任食生蚝！蚝好大只好鲜甜！！呢个价钱真系好抵！最后临走之前食埋呢个用牛肉煲嘅白粥，开头见到觉得冇咩特别，食落去别具滋味，好意外佢嘅味道非常鲜甜。