東喜茶 (已結業)

期待已久！东喜茶终于系尖沙咀开分店！店舖同ISQUARE一街之隔，方便就脚。大街人流虽然好多但店面都算宽敞，有足够位置同大招牌比客人打卡影相等野饮。但大MENU放系收银正前方有点唔方便！容易比排紧队既顾客遮挡住，想慢慢谂饮咩就要移来移去！唔似观塘分店大MENU，一抬头就睇到。店员态度亲切，落单冲野饮都好快手！拣左星期五饭后约九点去买茶饮，未见人龙，非常好！但有几款野饮已经售罄。落单后大约五分钟就有野饮！点左芝士奶盖四季春，低脂。同系深圳饮既一样咁出色！四季春茶味比较甘甜，有淡淡茶香，个人认为系同芝士奶盖最夹既茶！叫左少冰都无比少左茶，抵饮！系我东喜茶MENU上既 all time favorite！有埋招牌打卡影相