Burger Home (已結業)

经朋友介绍帮衬过旧舖，一试难忘，间中会帮衬。搬新舖已有一段日子，终于有机会试下。避开午市爆棚时段，两点后唔洗等就有位。叫左磨菇手打牛肉汉堡，跟餐配炸薯条同冻美禄。即叫即制，等左10分钟就有得食。面包松软带甜，手打牛肉牛味够，咬落唔似一般机制冻肉咁死实，磨菇片同蛋黄酱几夹，番茄同生菜都算新鲜，一啖咬落去小心爆汁兼跌晒d磨菇。薯条即炸热辣辣，唔会好似茶记果d有阵雪味。冻美禄虽然叫左走甜，但都够浓。