紳士茶室

营业中

休息中

开喺公司附近都几就脚，之前都想试下买份早餐食，今日早咗少少番到就用定WhatsApp落单，1分钟后就有职员覆机，10分钟左右整好有温馨提醒有得攞。叫咗份松露滑蛋芝士火腿厚多士+茶走，攞外卖时见个盒好大，一打开就见到正常size嘅三文治，几有视觉冲击（？）个炒蛋算滑，松露味道闻落都几重，两者食落口系match嘅，不过可能松露味盖过咗芝士味，食唔出。茶走好香浓，建议趁热饮，冻咗再饮会冇咗香味。成份早餐整体嚟讲OK，自己食完就啱啱好够七成饱，应该会再帮衬试下其他款式嘅三文治，见午餐有焗饭，将来应该都会试下。