2 Soon Cafe

营业中

休息中

2 Soon Cafe位于西洋菜北街，近太子港铁站，拱门嘅入口，侧边特别留有个室外嘅座位区，特别啱驾车人士嚟打卡叹cafe。咁啱转咗新菜单，今次点咗招牌嘅黑松露芝士忌廉杂菌通粉，松露香气浓郁但不过份，配搭滑溜嘅忌廉酱汁啱啱好。蟹肉伏特加蕃茄忌廉粗管通粉嘅蟹肉都几大方，份量爆多，粗管通粉软硬适中，伏特加令蕃茄酱多咗层次感。香炸鱿鱼圈配柚子味噌酱外皮酥脆，鱿鱼食落够juicy，配上清新嘅柚子味噌酱，完全冇油腻感。大爱抹茶食品，脏抹茶嘅抹茶味够香浓，焙茶拿铁奶泡浓密，口感细致，提拉米苏蛋糕松软湿润，Q弹嘅双色蕨饼配黑糖嘅质地烟韧，黑糖香甜唔会太腻。2 soon cafe 系一间餐饮水准高嘅Cafe，经常全满，周末更系一位难求，建议提前预约。