大師傅粥品 (萬廸廣場)

营业中

休息中

呢间粥店都开咗一阵，不过我麻麻哋钟意食粥，所以冇入过嚟。今日早餐食得晏，好似唔系好食得落嘢，同事话佢都唔系好饿，我哋就入嚟试吓。呢度用QRCode点餐，我点咗入亲粥舖必食嘅碎牛粥同牛脷酥，同事唔饿净系叫咗齌肠豉油另上。肠粉嚟到见到好似唔系好吸引，不过同事劲有心机落酱，落完哂酱，观感完全唔一様，即刻借嚟影番张相先。🤣我夹咗一旧试吓，质感唔错，唔算好滑，不过唔会好实。都算几👌🏼。我个碎牛粥走葱，无论个样同味道都冇乜特别，okay啦𠮶种。粥份量okay，但系牛仔脷酥就好大只。我肯定系唔饿，最后我两样都食唔哂。😂呢餐最值得赞嘅系价钱非常合理，而且环境卫生都好👌🏼。