Brew Dog Coffee Co.

营业中

休息中

我今日放假，約同好友去位於新蒲崗大有街3號萬迪廣場1樓L號舖的 Brew Dog Coffee 食午餐，小店型式經營，環境舒適，坐得舒服。我點左個 慢煮雞胸蕃茄粉紅醬意大利飯 $92，餐飲係凍茉莉綠茶 $35；好友點左個 慢煮雞胸羅勒青醬扁意粉 $98，餐飲係 凍厚椰奶咖啡那堤 $45。慢煮雞胸蕃茄粉紅醬意大利飯賣相不錯，雞胸肉嫩滑好味，意大利飯軟腍好食，配蕃茄粉紅醬令口感更豐富；慢煮雞胸羅勒青醬扁意粉好食，羅勒青醬原來好有特色，唔辣又有清新的羅勒味；凍茉莉綠茶好清爽，厚椰奶咖啡那堤口感好有層次及好飲。