陳儀興飯店 (崇齡街)

营业中

休息中

香港人除左喜爱粤菜之外，潮州菜亦系深受欢迎，自己就钟意去D传统潮州舖头去品尝不同的美食。今次叫左三菜一甜品，都系潮州菜必食之选。卤水拼盆卤水汁清香有层次，鹅肉最好食，味道细软，唔会偏咸，整体味道好好。冻食黄油乌头鱼肉嫩滑鲜味，完全没有泥味，而且鱼的黄油亦使到鱼味更香，配合普宁豆酱，简直系人间美食。镬气小炒王用到韮菜花、虾干、银鱼仔、腰果等简单的材料，炒出黎则咸香十足，而韮菜花做到爽口干身，用来送啤酒确实冇得顶。潮州手工芋泥原本已经好饱，但真系忍唔住清哂成碟。芋泥软腍，福果味道清甜，而且做到唔腻，同时甜度刚刚好。不知不觉就能吃完一大碗，实在罪恶感十足！