大盛日本料理 (已結業)

Lunch time黎到新蒲岗越秀广场附近，揾到呢间食日本菜嘅大盛，见menu价钱同菜式都几吸引，就同朋友坐低左😛呢度上菜速度颇快，友人叫左刺身饭，唔使五分钟就黎左。我今次叫左洋葱牛柳粒蛋饭。碗入面舖左满满嘅牛肉，仲有一只蛋，完全盖住d饭，十分足料。牛柳粒肥瘦适中，好有咬口，但又唔会太韧，冇overcook。只蛋比较实心，如果可以做到更加流心嘅效果就好了😛 呢个饭嘅饭量都唔小，如果细食嘅可以考虑提出少饭。午餐仲奉送野饮，可以拣唔同罐装野饮，例如柠檬茶，忌廉鲜奶，芦荟乐等，可乐同波子汽水好似要加钱。如果想饮热野可以转面豉汤，唔使加钱。面豉汤味道ok，咸度适中，如果可以多点海带就好了。呢度整体唔错，坐得舒服，价钱都几亲民，难怪lunch time吸引咁多学生黎帮衬😛