紅米 (六合街)

营业中

休息中

下班行路经过睇到呢间餐厅，比呢间餐厅嘅外观吸引到决定入来一试。装修用左明亮的红色为主，室内同样色彩鲜艳嘅装修令人坐得心情愉悦。入到去灯光明亮，干净整洁，位置都比较宽敞。餐牌菜式选择好多，中式西式都有。原条蒲烧.鳗鱼蛋包铁板饭卖相很讨好，份量多得似一座小山。配了照烧汁，另外加左肥牛同埋芝士，鳗鱼份量多得黎又厚切。多种配搭全部铺埋喺一层嫩滑嘅蛋上边，将全部材料同埋米饭捞埋一齐食，每一啖都好好味！性价比很高！美国重量级.爵士西冷呢份牛扒真系有重量既，超大块又厚身。呢𠮶价钱可以食到呢种质素嘅牛扒真系超级抵。配搭嘅薯条都唔错，又粗身又脆😄。小食拼盘种类丰富，有春卷，炸鸡，鸡翼。春卷皮炸得好松脆，炸鸡香脆好味入边又多汁，鸡翼完全不油腻，不会炸过火👍🏻。综合水果茶，果味浓郁饮落口好香甜。龙凤大柠乐，淡淡柠檬香味嘅可乐味道好清新。