泰媽子

营业中

休息中

喺新蒲岗呢头返工，虽然都有好多好嘢食，不过都系钟意周围揾吓有咩新开嘅食店。早排食lunch行过见到呢一间泰妈子，价钱都好似OK抵食，入去试吓先！环境就同普通茶记冰室差唔多，细细间坐得迫少少，不过中午食个lunch 都OK嘅。我就嗌咗鸡扒金边粉 $55，喇沙汤底，一啲都唔辣仲几香口，啲金边粉索咗汤汁好惹味，都系一个可以encore嘅选择👌🏻 跟餐送嘅冰糖雪梨茶有啲淡🫠，建议可以加两蚊转其他冻饮！冻柠茶、奶茶呢啲都正常发挥！我啲同事嗌咗𠮶啲都好似话OK，个串串串饭上面有只太阳蛋卖相都几靓。