赤山風味料理 (已結業)

虽然地铁站覆盖范围越来越广，不过都仲有d地方未有地铁，而令到自己好少去。新蒲岗呢个冇地铁的地方真系好少踏足，虽然唔算远，但唔系有人约真系未必会去。今晚就有呢个机会。有左Mikiki之后新蒲岗的确多人去左，不过里面其实都仲系旧区一个，今晚系呢度既一间日式餐厅食晚饭。餐厅地方唔算好大，装修感觉有点似放题的格局。餐厅并非放题，不过同放题一样好多食物可以拣。赤龙卷 $78自家制的卷物，够特色，卷物上有生虾，海胆，蟹籽，排列整齐，配上前方两只虾头，原来仲可以食得。虾头已经炸过，入口香脆。三文鱼寿司 $22三文鱼好厚切，真系一件顶几块，十分抵食。巨鳗寿司 $32巨鳗同样抵食，巨鳗厚厚地，入口口感唔错，加上有足够鳗鱼汁，令到鳗鱼香口而不会有干身的感觉。铁板一口牛粒 $68牛粒好大粒，咀细人士要一口食可能有难度。整个一口牛制作并不马虎，蒜片，葱花，洋葱，酱汁都好充足，令牛粒更惹味。牛肉锅 $52热锅中有大量生牛肉，中间唔少得一只生蛋，捞匀牛肉锅既时候牛肉已经够熟可以食得。锅既牛肉汤味道香浓，加左生蛋令牛肉食既时候更加滑。锅中还有豆腐，粉丝等的配料，十分丰富。希望可以多d机会去下新蒲岗试下其他小店。