SONIA COFFEE

营业中

休息中

去完新商场过埋Mikiki 行下，见到呢间来自京都既吃茶店，比佢既窝夫吸引左最后决定喺度晚餐！ 点左份set dinner menu既山葵卡邦尼意粉🍝，先有酸酸地既和风汁沙律菜，配浓郁海带味噌汤，好开胃。香滑流心蛋系卡邦尼灵魂，蛋汁拌匀菇菌、洋葱、烟肉、香草跟意粉，配上独特山葵气味，蛋香感更上一层，比起classic做法又有缓解滞腻感。和风芝心汉堡扒x黑毛和牛薯饼蛋包饭睇个名已经觉得好丰富，汉堡扒厚身胀卜卜，切开入面芝士缓缓流出，咬开和牛薯饼够香脆，和牛薯蓉香口软绵，配埋日本咖喱汁，相当有惊喜！ 和风栗子窝夫配豆腐雪糕好厚既窝夫，即叫即做脆口又够蛋香，上面放满激多栗子蓉，口感软滑味道清甜，跟豆腐雪糕、cream、脆脆粒配送一口窝夫，丰富好味。竹炭鲜奶咖啡 Halloween快到啦！连latte都增添节日色彩，竹炭鲜奶面做左个鬼怪拉花奶泡，texture香滑，好有heart。