陳儀興飯店 (崇齡街)

营业中

休息中

放工约咗屋企人去新蒲岗打冷，由细食到大的陈仪兴饭店 ，新蒲岗 50年老字号，对我嚟讲系打冷最好的。装修朴实无华，价钱公道，长期坐满人，食到好夜都仲好旺场，你就知佢咩料啦！豆酱鸡 陈仪兴其中一款名物，潮州豆酱煮鸡，落单后好快就送上，金黄色的豆酱，卖相吸引。朋友食咗一件鸡，都赞不绝口。入口豆酱鸡轻轻一咬，就已经骨肉分离，鸡肉够腍，唔会好松散，潮州出名普宁豆酱，豆酱鸡变得层次复杂，可以带出鸡肉嘅鲜味，味道无得顶！澄海卤水鹅调味酱汁好有潮州打冷风格，食澄海卤水鹅嘅时候，必须要沾酱。潮式卤水灵魂系喺个秘制卤汁到，好香！卤水汁精华渗入鹅肉，口感极佳，新鲜热食，天下无敌！大漠牛柳粒 上枱热辣辣香喷喷，大家都劲赞！大漠牛柳粒 ，外酥内嫩，牛肉香甜，配料香蒜粒非常可口。味道浓郁入味，炒得够火候，跟白饭一起吃，有画龙点睛的效果。樽装汽水最紧要够冰冻，饮落好爽！