TC Bistro (已結業)

今日又去新蒲岗食饭，其实呢间餐厅都已经黎过几次，我平时都钟意试新野，但呢间真系可以keep住！今次黎食叫咗啲乜呢？我地2个人食，叫咗一个一人份嘅威灵顿牛，一碟海鲜意大利饭，其中一份升咗级做set! Set包括一个餐汤，沙律同埋野饮。虽然黎咗几次，但呢2样野都未试过嘅🤤先讲吓个意大利饭先，就咁望卖相就都系咁上下货仔啦，同平时食嘅都无乜分别，但分咗碟之后你就发现啲海鲜嘅量都几多，又有鱼，有虾，有蚬，仲有鱿鱼！相当丰富，只虾仲要系爽口tim! 值得一试另外到牛牛喇，一人份其实都唔细，上碟𠮶吓系觉得佢好可爱，平时食𠮶啲通常系4人份，大大条咁，但今次呢个呢，就好似迷你版咁。切开卖相都唔差ga,呢个系7成熟！牛嘅质感软滑，充满肉汁，一啲都唔觉佢太干或硬。虽然牛味不太重，但整体分数都系高嘅...最后餐厅送上焦糖炖蛋作结。