影片
更多
2020-09-19
72 浏览
好耐无返嚟新蒲岗一带食饭喇，今次收完工同个同事过咗嚟揾食。今次帮衬一间良心小店 Wanna Eat，餐厅系走多元化路线，晚市无论系西式意粉、Pizza、锯扒、中式定食都有得选择。除咗主食之外，仲有甜品同埋咖啡亦好吸引，不过我地今次食晚市，就无叫到咖啡。我地两个人叫咗一份千岛海鲜手工薄饼。讲到明系手工薄饼，我自然对佢有更高期望。Pizza饼底松软，口感烟烟韧韧咁，几好入口。配料方面有心思，千岛酱令到薄饼好开胃，绝对收货。另外一个主食，叫咗台式三杯鸡定食。开头其实想试下佢地啲意粉，不过见一间西式风格嘅餐厅竟然有中式菜食，于是就俾佢吸引咗。上到枱之后都几对办，鸡肉肉质好嫩滑，有洋葱同埋九层塔，所以成碟嘢都好香。点解叫定食? 因为跟餐送两碟开胃凉菜，分别系莲藕同埋木耳，非常惹味道！甜品方面，我地叫咗份焦糖香蕉配朱古力窝夫。特别要讲一讲，佢摆盘摆得几靓仔，够晒立体。窝夫口感做到外脆内软，朱古力雪糕，配上表层有焦糖嘅香蕉，食落好过瘾。呢份窝夫嘅份量认真有啲多，两个人作为饭后甜品，最后差啲食唔晒添！Menu见到呢杯富士山特饮，相信系呢间舖嘅特色饮品，俾佢外型吸引咗，加少少想象力又真系几似富士山，于是
我地两个人叫咗一份千岛海鲜手工薄饼。讲到明系手工薄饼，我自然对佢有更高期望。Pizza饼底松软，口感烟烟韧韧咁，几好入口。配料方面有心思，千岛酱令到薄饼好开胃，绝对收货。
另外一个主食，叫咗台式三杯鸡定食。开头其实想试下佢地啲意粉，不过见一间西式风格嘅餐厅竟然有中式菜食，于是就俾佢吸引咗。上到枱之后都几对办，鸡肉肉质好嫩滑，有洋葱同埋九层塔，所以成碟嘢都好香。点解叫定食? 因为跟餐送两碟开胃凉菜，分别系莲藕同埋木耳，非常惹味道！
甜品方面，我地叫咗份焦糖香蕉配朱古力窝夫。特别要讲一讲，佢摆盘摆得几靓仔，够晒立体。窝夫口感做到外脆内软，朱古力雪糕，配上表层有焦糖嘅香蕉，食落好过瘾。呢份窝夫嘅份量认真有啲多，两个人作为饭后甜品，最后差啲食唔晒添！
Menu见到呢杯富士山特饮，相信系呢间舖嘅特色饮品，俾佢外型吸引咗，加少少想象力又真系几似富士山，于是叫嚟试一试。卖相好抢眼，表层加咗少少爆炸糖，中层系奶泡，味道类似波子汽水。
同同事一路食一路吹水，食物质素不俗，性价比优异，呢餐饭嘅体验十分唔错！店员亦会不时主动过嚟fill水，落单同执枱时候都好好态度，值得一赞！
张贴
