一韓燒

营业中

休息中

今晚去咗mikiki新开嘅韩式烧肉店，好色之余仲非常抵玩，值得推介。我同朋友试咗唔同嘅菜式，包括北海道产黑毛和牛套餐、饱住瘦身生酮黑毛猪五花腩套餐、窝夫同埋雪花冰，全部都好好味！北海道产黑毛和牛套餐包括牛肩胛拼肉眼盖，牛肉好肥美，入口即溶，仲好重牛味同埋油香。随餐附送迷你沙律、韩风汤同白饭，韩风汤比平时嘅面豉汤好饮，白饭亦加咗饭素。套餐仲有黑松露日本生鸡蛋，烧完牛肉点鸡蛋食，又有蛋香又可以帮烧肉降温。饱住瘦身餐系一个生酮套餐，无饭不过有韩式菜，用嚟包黑毛猪五花腩。五花腩好肥美好多脂肪，套餐仲有泡菜等三色前菜同埋韩风汤，非常开胃！我哋加咗温泉蛋沙律，上面铺咗啲蟹籽，又健康又有咬口。我哋仲叫咗蜂巢猪皮，油脂感十足，但系唔会太腻，仲有啲微微甜嘅味道，好好食，直情后悔嗌得太少。黑毛猪梅肉，油脂分布均匀。如果你钟意食牛，亦可以试下佢哋嘅牛小排，好软腍。牛脷就切得够薄，好易烧，口感都好好！唔知点解好好胃口，就追加埋佢哋嘅烧韩式芝士年糕，上菜嘅时候年糕上面附烧烤说明，非常贴心。烧完之后嘅年糕暖暖地又烟韧，非常新奇。最后，我仲试咗佢哋嘅甜品同饮品，我叫咗玫瑰荔枝梳打，好香玫瑰味。朋友叫咗蓝柑麝香葡萄梳