王朝潮盛館 (已結業)

今日同朋友去开新蒲岗，见到越秀广场附近有间叫「王朝潮盛馆」嘅餐厅几几多人排队，谂起好耐冇食潮州打冷，所以去咗试一试。餐厅地理位置方便，喺Mikiki商场对面，平日夜晚都坐到爆棚，好多街坊客捧场。我哋嗌咗卤水鹅片例牌、砵酒桶蚝、酸菜鱼片同XO酱捞面。卤水鹅片可以拣单项、双拼同三拼，我哋想食多啲鹅片，所以嗌咗单项，如果想食其他卤水食物，仲可以拣拼鸡、鹅肾、牛腱、大肠、元蹄、猪腩肉、墨鱼、鹅翼、鹅掌，鹅片肉质细嫩，食落唔嚡口，卤水亦都几重香料味，而且份量充足，螺片下面仲有几片好大块嘅卤水豆腐；砵酒桶图系即叫即焗，一上枱职员会帮忙剪开锡纸，一阵香气就会涌出，每只嘅蚝都几肥美，一碟大概有七只，伴随嘅洋葱都非常甜；酸菜鱼片酸辣度适中，满满嘅酸菜非常爽口，适量嘅花椒，亦都令到个汤底有少少麻辣，鱼片嘅份量唔少，而且鱼生爽口唔霉，亦都冇鱼骨；XO酱捞面系偏湿炒嘅捞面，XO酱本身有微辣，加埋芽菜同韭菜入去捞亦都好香口，不过整体略嫌太湿。📍新蒲岗宁远街3-23号越秀广场地下G25-G27号舖位置就脚：🍊🍊🍊🍊餐厅环境：🍊🍊🍊🍊食物味道：🍊🍊🍊🍊🍊整体CP值：🍊🍊🍊🍊🍊