影片
更多
2021-05-12
148 浏览
呢晚一枝公喺新蒲岗做完嘢，食肉瘾起，喺Mikiki行行下见到呢间主打食铁板烧牛扒，位置就喺Mikiki地库一田超市对出，就算唔熟新蒲岗都好易揾到路。如果无记错呢间店新开无几耐，因为之前经过都唔觉有。呢到总共有6个牛肉部位可以选择，分别系肉眼、牛柳、牛板腱、西冷、后腰三角肉同埋日本和牛。有个透明冻柜可以清楚睇到各款肉类，呢到叫法对香港人嚟讲几新鲜，想食几多就同店员讲，店员就会即刻喺冻柜攞出嚟切，按返块肉嘅重量计钱，之后再拣自己想食嘅套餐！我左谂右谂，最后拣咗西冷，块肉大约200G左右，份量相当足够，够晒厚身，而牛扒嘅肉味够晒浓，肉质鲜嫩，再配上店家特制嘅蒜油，大大阵蒜味好过瘾。另外再跟餐有3样嘢拣，我就拣咗啤酒、沙律同埋雪糕。好大块扒，哈哈。牛扒垫底有少少粟米，不过记得拎完餐要搞一搞佢，以免痴晒底。呢个系跟set嘅雪糕，食完块扒先问店员攞。价钱合理，如果有机会再经过呢头，又想大大啖食肉绝对会encore！
呢到总共有6个牛肉部位可以选择，分别系肉眼、牛柳、牛板腱、西冷、后腰三角肉同埋日本和牛。
有个透明冻柜可以清楚睇到各款肉类，呢到叫法对香港人嚟讲几新鲜，想食几多就同店员讲，店员就会即刻喺冻柜攞出嚟切，按返块肉嘅重量计钱，之后再拣自己想食嘅套餐！
我左谂右谂，最后拣咗西冷，块肉大约200G左右，份量相当足够，够晒厚身，而牛扒嘅肉味够晒浓，肉质鲜嫩，再配上店家特制嘅蒜油，大大阵蒜味好过瘾。另外再跟餐有3样嘢拣，我就拣咗啤酒、沙律同埋雪糕。
好大块扒，哈哈。
牛扒垫底有少少粟米，不过记得拎完餐要搞一搞佢，以免痴晒底。
呢个系跟set嘅雪糕，食完块扒先问店员攞。
价钱合理，如果有机会再经过呢头，又想大大啖食肉绝对会encore！
张贴
