馬六 (已結業)

马来西亚下午茶餐！好耐冇食喇沙，见到有下午茶餐几抵食，叫左两个餐外卖，近排疫情又严重翻，最好减少喺外面逗留嘅时间，宜家外卖有九折。海南鸡喇沙掺掺$46- 虽然下午茶话系轻量份量，但都几大碗，有半只鸡蛋、几旧索左好多喇沙汤嘅豆腐卜、鸡脾同大量嘅面同米粉，几抵食。鸡肉意想不到嘅软滑，配上好足料同微辣嘅喇沙汤底，推介，不过略嫌汤底多油咗少少！南洋咖咉多士(班兰)$26- 多士份量比较细，搽上薄薄嘅班兰酱料，淡淡地唔错。饮品方面，叫咗热美禄同埋桔仔柠檬茶，柠檬茶有淡淡的金橘味道，好特别。