Brew Dog Coffee Co.

营业中

休息中

之前經常在新蒲崗活躍，隔了一段時間冇過嚟，泊完車發現萬迪廣場有間隱世coffee shop，嘢食同飲品都不錯，環境都好Chill~我同朋友分別點咗兩款唔同嘅意粉，一個係羅勒濃蝦汁虎蝦扁意粉，另一個就叫咗櫻花蝦明太子奶油汁扁意粉😍落order後店員即時製作意粉，一路傳出意粉的香味垂涎三尺！特別欣賞意粉不會煮得過於軟腍或未熟，每條意粉都掛滿汁，調味方面都剛剛好，明太子唔會過咸，唯一略嫌配料有點少，只有幾片菇菌，虎蝦那個可以加多少少車厘茄就更加好！飲品方面，我就點咗店員推介的厚椰奶咖啡那堤，朋友就試下所羅門咖啡！兩杯都幾有驚喜🤩本身我係怕咖啡苦的人，厚椰奶有陣陣的椰奶香，比較容易入口，也有淡淡的咖啡香！所羅門咖啡一入口會有點酸味，再飲落去會有點點甜，原來底下係可樂，冇諗過可樂加咖啡呢個組合原來幾有驚喜😍舖頭雖細但播着好聽的音樂環境又唔會太逼，都係一個幾好唔錯可以得閒同朋友Chill下的一間Cafe👍🏻