紅米 (六合街)

营业中

休息中

今日早咗放工，天气热又唔想煮嘢食，就同家姐去咗附近新蒲岗嘅红米食晚餐。本来想健康啲叫个菜，但系我哋最后叫咗邪恶嘅香浓芝士焗白汁烟肉西兰花，芝士布满西兰花，焗到有少少金黄色，配菜嘅粟米亦好甜。我叫咗个美国重量级爵士西冷，拣咗薯条做配菜，薯条偏粗身，有紫菜粉调味，唔洗点茄汁都ok。西冷上碟时热辣辣，分量够大而且肥瘦适中，肉身够淋易切易咬，仲有黑椒腌制，就咁食都好够味。家姐叫咗日式炸虾冷乌冬伴烟三文鱼，乌冬嘅芝麻酱一啲都唔唔手软，所以乌冬够湿润，唔惊会太干。烟三文鱼好大块，仲有青瓜、蟹子等等沙律做配菜，唔会觉得太单调。我哋仲叫咗蜜糖柚子烤鸡翼做小食，鸡翼烤到啱啱好，皮脆得嚟肉又juicy，柚子蜜甜甜地，好似烧嘢食搽𠮶层蜜糖。炎炎夏日，当然要晏涷嘢饮啦，我就叫咗综合水果茶，可以叫少甜，入面仲有菠萝、水蜜桃，非常清新。家姐就叫咗蓝蝶花雪梨蜜伴爱玉，味道偏甜，加埋爱玉可以当甜品食。