Coti the Bistro (五芳街)

营业中

休息中

上个月同朋友去左新蒲岗食西餐。餐有一道主菜，送跟餐饮品同一个汤或沙律。我地叫左一人一个主菜，再升级$24 signature coffee, 同埋餐汤南瓜忌廉汤。个汤好有南瓜味，汤多南瓜同多菇。足料好饮。黄金蟹肉意粉 $86卖相意外惊喜，原来黄金既意思系咸蛋黄。用咸蛋黄煮蟹肉，提升左蟹肉既味道，令意粉出奇咁惹味。法式炖煮羊膝 $128朋友钟意食羊，所以我俾对方话事。估唔到羊肉都几软身易入口。天然蜂巢咖啡（热）朋友叫既signature coffee, 卖相一流。焦糖布丁咖啡（热）焦糖布丁溶化寂寞的心，焦糖既甜蜜令咖啡变得好味。再叫左个小食手撕蟹肉牛油果他他（由于呢度系weekend 先有，如果想食要weekend 黎碰运气。）手撕蟹肉牛油果他他 $91 （周末限定）个窝夫味道好特别，好似牛油酥皮，可以一层层撕开。口感都松化既。蟹肉好足料，放系牛油果上面都几新鲜。食落几开胃。