Wanna Eat

营业中

休息中

我朋友约咗我去呢间餐厅佢话平时食lunch都有食过觉得几好味所以话想带我试吓。入到去座位都几舒适，因为疫情关系都有做好卫生措施增设左透明嘅隔板喺枱与枱之间。我哋点左3道菜，拔丝咕噜肉定食呢个定食有两个小前菜加白饭，咕噜肉每粒都好大件而且卖相好靓，每粒面头都淋满咗咕噜肉嘅糖浆，用筷子一夹真系名副其名可以拉出丝来，每一口都可以食到咕噜肉同埋糖浆嘅融合，啖啖肉仲冇骨添，味道非常一流。黑松露薯条每条薯条都好粗大而且每条都好香脆， 薯条上面有少许黑松露同埋一啲芝士粉， 再加埋一个黑松露酱，食落非常滋味。蜜糖芥末鸡翼呢个鸡翼卖相好靓而且鸡翼炸得金黄色的，食落外脆内软啲肉好滑而且肉汁都锁住左喺里面，食落去味道不错。不过我略嫌蜜糖芥末酱唔够甜同唔够有芥末味。朋友介绍得唔错，估唔到新蒲岗都有一啲咁有水准嘅fusion菜，我下次都一定会再嚟过。