影片
更多
2014-10-22
1622 浏览
下午刚刚同家人上完山顶行山，谂住兜返架车落去湾仔食下野，之前有试过吟彩呢间餐厅都几好食，所以今次我地一家三口决定又再帮衬。坐低后见到个蟹餐好似好多野食，因为好饿我地就拿拿临order左三份蟹餐，等左一阵就上第一道菜，是用柿子装住啲蟹肉，里面系加左柿子既沙律，食落好重芝麻味，啲蟹味又几出，加埋啲鱼子酱又甜又咸咁几过瘾几好食几得意。之后呢个系蟹肉腐皮，呀爸一摆入口就大叫：「好滑下㖞！」咁我又唔执输试返啖先，点知又真系冇呃人系讲真话，个腐皮好香滑，个sauce有啲啲姜味，估佢唔到同蟹系可以咁夹，几fresh！第三样系个烧蟹盖薯蓉，真心觉得呢个系好正，啲蟹肉每一啖都好浓味同好juicy，加埋下面的薯蓉又滑溜，有晒入晒蟹肉的鲜味，好似西式食法，但一啲都唔腻，直头心心眼晒！接落黎系tempura，一共有四件，有蟹肉腐皮、冬菇蟹肉、海胆蟹钳同埋南瓜片。件件天妇罗都好干身松脆、唔会太油，最正既系海胆蟹钳，面头既海胆好浓郁香甜，人间极品。呢度的天妇罗系逐件上，所以好新鲜热辣辣。睇返个menu,之后果道应该叫「酢物」。开头以为系pickles果类野，但黎到个外表似甜品多啲。原来厨师将啲醋整左做冻jelly
坐低后见到个蟹餐好似好多野食，因为好饿我地就拿拿临order左三份蟹餐，等左一阵就上第一道菜，是用柿子装住啲蟹肉，里面系加左柿子既沙律，食落好重芝麻味，啲蟹味又几出，加埋啲鱼子酱又甜又咸咁几过瘾几好食几得意。
之后呢个系蟹肉腐皮，呀爸一摆入口就大叫：「好滑下㖞！」咁我又唔执输试返啖先，点知又真系冇呃人系讲真话，个腐皮好香滑，个sauce有啲啲姜味，估佢唔到同蟹系可以咁夹，几fresh！
第三样系个烧蟹盖薯蓉，真心觉得呢个系好正，啲蟹肉每一啖都好浓味同好juicy，加埋下面的薯蓉又滑溜，有晒入晒蟹肉的鲜味，好似西式食法，但一啲都唔腻，直头心心眼晒！
接落黎系tempura，一共有四件，有蟹肉腐皮、冬菇蟹肉、海胆蟹钳同埋南瓜片。件件天妇罗都好干身松脆、唔会太油，最正既系海胆蟹钳，面头既海胆好浓郁香甜，人间极品。呢度的天妇罗系逐件上，所以好新鲜热辣辣。
睇返个menu,之后果道应该叫「酢物」。开头以为系pickles果类野，但黎到个外表似甜品多啲。原来厨师将啲醋整左做冻jelly，食落有少许柚子味，令到所有食材都好清新，尤其系啲蟹肉，值得推介。
食到呢度其实已经有饱饱地嘅感觉，但好戏在后头，之后仲有个蟹锅。蟹脚份量颇多，好厚身，食落啖啖肉又鲜甜，之后再食埋啲菜，索晒啲汤好好味。到最最后原来连个汤底都唔放过，加白饭同切细的葱再放鸡蛋，用黎煮蟹粥，个侍应好好我地话想要啲粥绵啲佢又真系煮到，粥身好甜好滑，食完之后真系好满足好饱。
最后系甜品，当日口味系sake，酒味唔算好浓，所以我本身唔饮酒都食到，我另外仲食到有牛奶味添。如果可以嘅话我真系想食多一球！
总括黎讲我觉得呢个价钱唔算贵但份量好足，而且有好几味菜例如烧蟹盖薯蓉、酢物等都系值得介绍俾大家。
张贴
