集蘭冰室 (已結業)

而家是但揾间食下午茶都近$40，呢间仲有三十几蚊嘅选择。几年前食过，味道不错，不过太旧，间铺有阵味，食快饭都可以。今日经过见到装修左，又有成个钟空档就入去。装修左差好远，地板用上绿色怀旧小阶砖，木色枱櫈，重点系冇左阵味，空气清新，食得舒适。叫左西多生炸鸡中翼+热柠茶，唔要鸡中翼可以拣瑞士汁鸡全翼。🍵真系唔系夸张，好耐冇饮到咁香浓茶味嘅热柠茶。平时果啲一系柠檬汁，一系茶色淡冇茶味，呢杯真系正。🧇西多原来得半件，仲要中间冇花生酱，冇啲失望。🍗生炸鸡翼真系生炸，果种松脆系食得出生炸，唔系炸定翻炸，仲要4只😆。已经食完西多先食仲好热，唔小心畀鸡翼内嘅汁弹到，差啲辣亲。食到5点见啲人走晒，姐姐开始抹枱櫈，睇嚟唔做晚市。