東城酒家 (已結業)

之前见到东城做套餐，三𩠌套餐卖138闲日，168就假日，但可惜，装修后就新人事，新作风。冇套餐卖噜，只有散叫，不过唔紧要啦！其实散叫价钱都唔算太贵，但佢装修完后，重点主要都系做任食火锅为主，都唔多人食小菜，的确任食火锅系几抵，128一个人，偷望隔离枱，啲料都唔错，哈哈。今次试吓小菜，味道尚算可以啦，不过服务就争啲啲，餐具齐哂，就系冇俾水杯，可能唔够侍应，卫生方面就普普通通啦！不过新装修咗，感觉系光猛咗嘅。