花園廳

营业中

休息中

Garden Room 装修后第一次黎。比起以前明显地阔落左同光猛左；做得最靓都系出面草地旁边Ｄ位。餐牌上既食物基本上冇乜唔同，不过味道就差好远啦，直头好似换左个厨咁：　鱼香茄子煲：哗，好咸呀！要用茶冲过先送倒饭，失败！　咕噜肉：平时好少叫，不过意外地几好食。猪肉好松，味道甜酸适中，个汁又唔会桨住个口；妈咪话最紧要系佢Ｄ菠萝够甜。值得推介。　芥兰牛肉：小弟最唔钟意食既菜就系菜心同芥兰，因为好容易苦；点知Country Club既芥兰居然可以咁甜咁脆嫩，真系睇相都感觉倒。薄片既牛肉无论味道或肉质都冇乜野可以投诉。　咸蛋蒸肉饼：实在系太硬啦！个肉饼既形状，厚度，色泽，味道，肉质，全部都出哂问题；单凭依味𩠌已经可以肯定个厨唔同左。　豆豉鸡：招牌菜之一既豆豉鸡都出事，真系唔可以相信。第一次因为太多水要比返佢再做过，不过第二次出黎个效果已经大打折扣。鸡肉又嚡又咸，失望！　肉丝炒河：唯一能够保持水准既旧菜式。