Deli and Wine (已結業)

较早前餐厅重新装修，都差不多成一两个月，最近终于重开，一于去试下重开后仲好唔好食，餐厅用好多白色，感觉成间餐厅好光猛，而枱椅全部都系用木，变得有点似cafe，唔同于一般快餐店，午餐时间食物选择都算多，价钱比起同区都唔算贵去到餐厅时，可能系午饭时间早左少少，所以冇乜人排队买餐，餐厅亦都容易揾位，就拣左个两𩠌饭，先去收银处买左飞，然后再去取餐位置拣自已想食的𩠌，今次我选择左咕噜肉，同埋麻婆豆腐，估唔到两个𩠌都几多，再加埋一大碗饭，咕噜肉酸酸甜甜好开胃，再加上啖啖肉，而且都有好多件肉，冇偷工减料，而麻婆豆腐就少少辣，反而仲好食，因为有时太过辣就食唔出豆腐本身的味道，价钱＄46一大碗饭，又抵食又一定食得饱，环境又唔错，值得一赞！