LAVA (已結業)

星期六夜晚同老公食西班牙菜。Welcome drink饮到橙同菠萝味，仲有少少酒味，几清新。西班牙猪, 牛迷你汉堡包两个汉堡真系好迷你，左边系牛肉，右边系猪肉。夹住既材料好特别，有炸猪皮，另外仲有番茄同生菜。虽然好迷你，但旧肉都算厚。马萨拉炸鸡髀仔炸得好香脆，而且鸡肉好嫩滑，充满肉汁，好好食。BB鱿鱼, 墨鱼, 大蚬墨汁烩饭海鲜几新鲜，鱿鱼弹牙，大蚬无沙，烩饭湿得黎做到粒粒分明，食落又烟韧，入面仲有烟肉、红椒、洋葱。西班牙油炸鬼波, 朱古力雪糕平时churros系长条形状，呢间整成波波，肉桂味突出，口感软糯，入面仲有啲朱古力酱，朱古力雪糕都好浓滑。