越滿 (已結業)

之前係呢條街食過韓燒，當時就見到呢到有間食越南嘢。越南餐廳係香港算係小眾嘢，日本菜周街都係，泰菜又有九龍城做代表，越南菜就比較零碎，亦唔係一班朋聚會嘅選擇同男朋友嚟食，見佢除咗二人套餐之外，仲有四人套餐，其實原來都好啱幾個朋友仔見個面嚟食👯👯我地叫咗二人套餐B餐，呢到座位闊落舒適，佈置係餐廳兩旁。當晚係平日，又落哂大雨，入到都見到仲有幾枱客🐷燒豬頸肉肉質腍身嫩滑，唔洗點咬，每一片嘅厚度適中，配上炸紅蔥頭片，食落更加惹味！🍲炒芥蘭苗味道清淡但有味，都係配咗一啲炸香料，等令成個味道豐富咗。芥蘭苗亦炒得剛好，唔會炒到老咗或者太生🥘越式炒飯呢個炒飯入面有菠蘿、提子乾、三色椒、炸紅蔥頭等等，炒飯味道清新無味精，感覺好健康😌🦐鮮蝦米紙卷自己本身好鍾意外面層米紙，食落煙煙韌韌好有口感😋 入面隻蝦肉質結實，配埋酸汁食勁開胃🦀咖哩軟殼蟹連埋個燭爐上，可以keep住熱食。軟殼蟹份量多，每人都食咗兩大舊，如果一開始叫咗蒜蓉包就可以點啲咖哩了～這個二人套餐比另一款貴，但試嘅菜式就更考功夫，而家款式較多和特別，貴一百元但都更多不同享受～