PHI Coffee & Pancake (啟德零售館1)

营业中

休息中

喺启德体育园又多一间食甜品嘅地方，喺food court大大个招牌，好多唔同味道嘅疏乎厘，卖相仲好吸引添。疏乎厘一件$45 ，有七种口味，我哋拣咗近排大热嘅开心果味，同埋Lotus海盐焦糖疏乎厘。开心果疏乎厘，面头有一大啖开心果酱，同埋粒粒开心果，咬落去除咗果仁嘅味道，仲有啲脆卜卜嘅口感。而Lotus海盐焦糖，我觉得就更好食，咸咸甜甜嘅味道，食落唔会咁腻，一块Lotus饼仲可以增加口感。我哋另外嗌咗两杯嘢饮，推荐天然蜂蜜棒棒冷热咖啡，奶味比较浓郁，加上蜂蜜嘅天然甜味，啱晒我呢啲钟意咖啡香，但系又怕苦嘅人。另外一杯就系无花果蓝莓沙冰，不喜见到真系有四五粒蓝莓，蓝莓沙冰的表面仲有一层奶盖，饮落除咗果肉嘅酸酸甜甜，仲有一阵奶香。