四季良晨 (新都城中心) (已結業)

又一个可以自然醒嘅假期，起身已经系11点左右，系食brunch嘅时间。落到商场，岩咁开左间新嘅台式餐厅，又试业紧，装修都几用心。餐厅装修用左唔同有意思嘅句子贴左系墙身，而且餐厅枱櫈都有心思地用左台式设计，令人入到餐厅就乐似去到台湾小店咁，但系餐厅用左长櫈比较麻烦，因为餐厅系以出去落单嘅形式，而且落单后就唔可以更换位置，所以长櫈对于坐入面嘅客人比较唔方便。盐酥鸡排卤肉饭 $58上菜系用一个餐盘装晒所有野食，虽然每碗睇起黎细细碗咁，但系份量好够食，同埋附送左青瓜，唔怕净食饭同鸡咁单调。而且盐酥鸡好好食，卤肉又好入味，饭份量比睇落去多好多，超饱。加配左卤水蛋 ($6) 卤水蛋相对上比较逊色，唔太入味。卤水猪手饭定食 $65定食附送左菜，猪手煮到入晒味，而且又好淋，好好食，唔会好重口味，份量都几多。红烧腱心牛肉面 $58牛肉面面质好弹口，面比饭相对上大碗，牛肉汤又好入味。