霸嗎拉麵 (已結業)

霸吗拉面🍜见到呢间拉面店好多分店，刚巧有事在宝琳，经过新都城就试下，平日晚上7点入座，人唔算好多。装修都有心思，仲有座位可以睇师傅煮拉面，可惜比人坐晒。一入座就即刻有人比杯水我地，职员态度都唔错。菜单除左拉面之外，都有唔少小食可以选择。讲番拉面，呢间拉面既其中一样值得赞既地方系可以自行选择面既软硬，也可以选择走葱和少油，特别适合怕油既女士们。💃🏻今日点左鸡叉烧味玉鸡白汤拉面，鸡肉数量都几多，每块都够晒厚同滑。面果方面个人无特别偏好，所以就选择左适中，果然恰恰好，有口感之余唔会太冧。另外面条也吸收左汤底既精华。溏心蛋同一般拉面店店既唔同，唔会切开，咬开之后见到蛋黄仲keep到半固体既状态～朋友点左炙烧豚肉拉面，试左啖汤底，比鸡白汤拉面果个香浓，好重猪骨味，适合中意重口味的朋友😆。