砂煲兄弟 (東港城) (已結業)

好耐冇食中菜，今日经过见到呢间沙煲兄弟装修咁得意就入去试下！呢度主打系沙煲嘢，第一件事嗌个传统嘅腊味煲仔饭试下先！佢哋啲煲仔饭有脆卜卜、金黄色嘅饭焦㗎， 证明佢嘅煲仔饭整得好成功。跟住嗌咗两个小菜，一个牛仔骨一个三杯鸡煲。牛仔骨好淋好入味，三杯鸡啲鸡都好滑，味道唔系好辣，偏甜。最啱我呢啲唔食得辣嘅人。呢度仲有个出面比较少见嘅虾多士，多士上面搽咗弹牙嘅虾胶，炸到脆卜卜。我哋仲嗌咗两杯嘢饮 ，一杯红豆冰同一杯龙眼蜜。红豆冰同出面嘅唔同，佢系用奶茶做底，够晒特别。食完饭正打算去下场食甜品之际，呢度竟然有埋甜品！我地嗌咗个新出嘅天使西多士同埋豆沙包，豆沙包入面嘅豆沙唔系好甜，啱啱好。佢炸到个皮外脆入面烟烟靭靭，好好食！下次嚟一定会再嗌呢个甜品。