翔龍拉麵小籠包 (已結業)

＜怀孕 26周＞而家每个星期都有两日假期，老公又成日懒惰唔肯煮野食，我地唯有次次放假都出去食饭。今天下好大雨，老公唔想我行太远，怕滑倒，所以驾车车我去荃湾愉景新城食午餐，顺便行下商场内的婴儿服装用品店。以前其实都黎过在1楼的翔龙拉面小笼包店，觉得呢度既侍应有礼貌和落单快，食物质素不错，价钱唔太贵，最特别是有很可爱既小朋友餐具，方便一家大小来食饭。今天翔龙搬左上3楼，铺面多了位置，不过个装修唔似系食上海菜。新铺午市的menu没有套餐，唯有单叫。我点了个蕃茄鸡丝拉面，蕃茄系切粒上，份量不多，鸡丝好清，无咩咸味，应该无腌过，很适合孕妇食。老公点了上海粗炒，有杂菜伴炒，唔算太油腻。仲有一笼必点的小笼包，新鲜蒸熟，中间的肉都有鲜味，不错！