影片
更多
2009-10-30
8 浏览
星期三, 女友去了旅行未返, 父母去了饮喜酒, 正想找人陪食饭之际, 突然收到食友之来电, 5条佬相约 "深长水" <----- 我位BBC老友, 教左佢十次, Tsim Sha Tsui 叫尖沙咀......佢永远都唔记得......"深长水"相个只有我明佢up乜.........大家相约在妹记. 上次黎妹记, 已是昔日在金巴利街的大排档的时代, 如今入了铺, 一落某商业大厦地库, 地方阔大, far end仲有一个人黑版.......一个好得意既感觉....就是什么校友会宴, 系学校课室/礼堂摆酒咁......黎得妹记, 唔食小炒食乜. 当中梗有一些内脏食物, 香口的炸点, 同入秋了, 羊啊.......当然, 名物鬼马油炸鬼当然是必点啦.先来一个例汤, 叫什么名堂不记得了, 总之是一窝不错的老火汤啦, 饮落清甜, 肉味骨味全部煲哂出黎. 除了有味精味之外, 个汤算是冇得弹.第一碟菜, 是我嚷著要食的炒虎尖椒. 不要以为辣椒, 就一定劲辣, (直接食.....咪玩啦.....), 其实并非只只辣椒都是超辣, 最辣其实是个核囊, 去了核的辣椒, 辣度其实已经减了大半. 用了豆
大家相约在妹记. 上次黎妹记, 已是昔日在金巴利街的大排档的时代, 如今入了铺, 一落某商业大厦地库, 地方阔大, far end仲有一个人黑版.......一个好得意既感觉....就是什么校友会宴, 系学校课室/礼堂摆酒咁......
黎得妹记, 唔食小炒食乜. 当中梗有一些内脏食物, 香口的炸点, 同入秋了, 羊啊.......当然, 名物鬼马油炸鬼当然是必点啦.
先来一个例汤, 叫什么名堂不记得了, 总之是一窝不错的老火汤啦, 饮落清甜, 肉味骨味全部煲哂出黎. 除了有味精味之外, 个汤算是冇得弹.
第一碟菜, 是我嚷著要食的炒虎尖椒. 不要以为辣椒, 就一定劲辣, (直接食.....咪玩啦.....), 其实并非只只辣椒都是超辣, 最辣其实是个核囊, 去了核的辣椒, 辣度其实已经减了大半. 用了豆豉去炒, 辣辣地, 用来做前点, 开开胃, 几好架....
之后, 是味道比较浓烈的炸大肠, 皮脆脆地.....只可以用脆脆地黎形容. 碟头, 份量, 其实好细, 大家一圈圈的大肠, 佢就一条条小气长条......唔够咬口既呢....送啤酒亦不够爽.
蒜子鸡吧, 没记错的话就叫蒜子鸡, 鸡嫩但没有鸡味, 鸡味应该已经冰鲜左......脆皮是有的. 算是可以啦.....
招牌了, 鬼马炸两, 同了墨鱼滑, 酿入油炸鬼内, 只不过出面油条硬左少少. 要有牙力, 才咬得入, (尤其是头尾位), 亦证明呢气油炸鬼, 果然有实力. 味道整体上是惹味可口的, 系硬左少少姐....
开始入冬, 是食羊既时候....不过这个羊就失色了....南乳味不够, 水份过多, 幸好, 仲有膻味. 腐竹亦不是次货硬竹.
停了一大辆.....又系漏单......又冇得食猪手, 叫了厨房跟单, 回来只白留了一个八爪鱼咀, 猪手, 因各人已够饱关系, 取消了. 在来八爪鱼咀之前, 是加𩠌时段, 加了一个飞天通菜同一个小炒王. 飞天通菜, 应该是一个非常香口既东南亚式炒菜, 镬气, 感觉上是有的, 但那些香味, 似乎唔够, 而且, 比起平常系泰国餐馆食到既飞天....油好多.....本来打算黎道青菜健康点, 谁知更不健康.
小炒王.....食友说凭是用干货去炒...但这儿用上鲜虾, 鲜鱿....感觉上是"升呢", 实际上是"跌呢", 我一食, 仲以为系外国式既炒杂碎......
八爪鱼咀, 可惜啤酒已经饮哂, 大家亦决定事后再啤多一啤. 斋食, 用茶送.......味道是香口, 口感弹弹的. 好得意.
食饱走人, 妹记新地方, 其实同旧地方差无几....不过, 呢次食, 同上次食, 已经感觉到, 差了.
张贴
