慶記 (已結業)

星期六放假约左妈咪食饭，呢间铺头喺旧址都食过一次，系好有心既小店。而家见佢搬左大铺，绝对要再帮衬！新铺多左好多位，加上落地玻璃，好光猛！装修以木色为主，俾人感觉好舒服。仲多左好多野食！除左主打庆面，仲有捞面同菜饭，小食都多左选择！口水醉鸡卷，有分四件同八件，口水汁够麻而且唔会太辣，鸡卷肉质扎实，鸡皮已成半啫喱状，好够冻，岩哂夏天食👍🏻香酥排骨配卤肉菜饭，排骨一上我同妈咪都哇左声 😂好大旧！面层炸得好松脆，内层仲好JUICY，菜饭上既卤肉肥瘦适中，食落带有胶质，店铺可以考虑出卤肉饭，我一定会叫🤣茶熏煎软鸡配捞面，呢个鸡既份量同排骨一样大份，颜色炸得比较深，食落好大阵烟熏味，好特别😋点埋酸辣酱，中和番无咁油腻。捞面既面条弹牙有咬口，配埋特制酱汁好有风味。餐厅食物既份量好大，女仔可以考虑约多几个朋友黎 share就可以试多几款。