六公館

营业中

休息中

LCX新开𠮶边而家好靓呀！想去下𠮶边食野睇景好耐，今日终于去咗六公馆喇！六公馆有条专属电梯，一落去已经有一班人招呼我地，服务非常好！然后见到佢个靓景同靓装修，感觉好正！下次应该来happy hour, 坐out door, 对住个海靓饮野一流！我地先叫左两杯cocktail，卖相真系无得顶，我叫咗杯菊柠气，朋友叫咗杯小凤姐😂 饮落好特别！本身以为依啲都系会得个样，点知又几好饮㖞！食物方面，头盘叫咗个厨师推介 鲜柚子鳕场蟹脚，酸酸的，好fresh好开胃，不过蟹肉好似少咗啲，可能整得太碎。跟住来个鸳鸯虾球，一边系黄金虾，用咸蛋黄包住，另一边就用芒果酱整！好味！层黄金好厚，味道好浓！而芒果个边就有少少酸微微咁，好特别，不过个人嫌医太多，有啲漏。跟住系另一个推介，龙井熏太爷鸡，好食，只鸡好嫩好滑，加埋啲烟熏味，正！👍🏼😋最后叫个松茸羊肚菌海胆烩饭，个海胆好正！同啲饭好match，系好好味！不过就好浓味，要多人食share就啱啱好！虽然食到好饱，但都要食个甜品先圆满☺我地叫咗个流沙球配冰淇淋，个卖相型到不得了！个流沙球入面系奶黄，超好味！配埋个好有芝麻味嘅雪糕，真系好正！👍🏼👍🏼呢个系必食！整体