Asian Lab

营业中

休息中

黄埔有间新餐厅，主打正宗越南同马来西亚菜式，沙律、汤、小食、汤粉面饭、三文治、主菜、蔬菜、甜品、饮料，样样有齐，价钱亲民化，地点方便，街坊朋友仔可以去试一试～ 前菜要咗Shredded Chicken Salad，以鸡肉、杂菜、青瓜、花生等混合而成，口感丰富，配上越式酸汁，令到整体味道更加开胃。Appetiser Platter包含蔗虾、春卷、鸡翼同大虾米纸卷，性价比高适合多人分享。个人最喜欢蔗虾，大大条，咬落弹牙，记得要咬埋个蔗！另外加配Vietnamese BBQ Pork Skewer，私心推介呢款，猪肉味突出，越食越上瘾～ 想食得健康啲嘅可以要蔬菜，烹调方法可选择马拉盏炒、蒜茸炒或顺化辣酱炒，怡保芽菜新鲜又爽口。主食要咗Nasi Lemak，椰浆饭有惊喜，粒粒分明但咬落软糯，带著淡淡椰香气，捞埋旁边嘅花生，干鱼仔等可增添口感。Rendang Beef就正常发挥，根位比较多，下次会想试炸鸡髀。Bak Kut Teh有一人或二人份量，可以拣要一字骨、三层肉、猪软骨或大杂锦。肉骨茶唔苦，小朋友都应该接受到，一字骨份量比想像中多，唔算好滑但煮食汤嘅算系咁。