膳廚

营业中

休息中

疫情虽然已经消退，但两𩠌饭依然受到好多人喜爱，今日返工前经过上水，发现开咗间新嘅两𩠌饭店，三𩠌饭只系需要$35，仲有例汤送，都几抵食。可能因为新开张嘅关系，都相当多人买，我差唔多一点半去到，已经剩返唔系好多𩠌可以拣，好彩仲有我最喜爱嘅萝卜牛腩，店员话因为一点半之后已经比较少客人，所以到晚市先会再新煮下一轮𩠌，确保𩠌菜新鲜，唔会摆成个下昼。拣咗三个𩠌，分别系萝卜牛腩、卤水猪手及蒸鸡，值得一赞嘅系餐厅会将饭同𩠌分开盒装，咁就唔使惊白饭会浸满汁啦。三款𩠌中最喜欢萝卜牛腩，煮得好淋好入味，牛腩之外仲有牛筋；云耳蒸鸡唔会太油腻，鸡件都几嫩滑，整体黎讲都算满意。