囍運冰室 (鴻祥大廈)

营业中

休息中

因为剩返唔多时间，所以拣左最近band房既餐厅食少少野就走。哩间餐厅好似系新开冇耐，装修好靓，有两部大电视同埋两部大mon餐牌，餐厅老板都几重本🤣餐厅入面既侍应姐姐都几有礼，收银姐姐都好有耐性介绍返餐牌跟餐饮品既问题，就算比错左人都好有礼貌咁讲声唔好意思，赞！👍所以我就拣左XO扬州炒饭同冻奶茶少冰，杯奶茶黎到先，我就好期待咁试左一啖，成杯奶茶正系得甜味，唔知系咪甜过头，茶味完全饮唔到，啲奶好似唔系用淡奶似系用奶精咁既味一样，叫左少冰结果都系成杯冰，哩度唯一失望既地方。炒饭都好足料，睇落都好有镬气，虽然炒饭有少少偏咸，但唔会太干都唔会太油，叉烧同蛋都有好多，虾都有六七只，而且虾食落都几新鲜有虾味，生菜都切得够细，就连葱都系新鲜唔系变成干葱咁，唔似其他茶记炒出黎咁一系又油，一系又干又咸啲虾又冇味唔知食紧咩咁，所以总括黎讲都系唔错，埋单都系67蚊唔算贵，应该都会再黎。