恆香冰室

营业中

休息中

返工附近开左间新冰室，好耐无试新野，应该讲我好耐无返工啦。开左都唔知。发现间冰室好干净好光猛。所以专登下午茶走去试下。同朋友一行三人，叫左三样野食，都觉得几好食同埋都抵食。朋友叫左个蒜香鸡扒同鸡脾下午茶。而我就叫左个流心西多士。鸡扒煎到好香,配合葱油同蛋, 朋友觉得好夹, 亦唔会好肥感觉，埋相好靓，鸡扒都滑身下。朋友呢个都值９０分㖞，但如果葱油多返少少就好啦！蜜汁鸡脾西多士，我自己就无试啦，不过朋友话试左甜蜜蜜咁，好似有甜蜜蜜感觉～哈哈因为佢话好甜之余又带种鸡脾咸咸感觉，朋友话唔差。下次都要试。到我自己个个流心奶皇西多，哇，未食已经闻到香味了，切出黎，咸蛋王，流晒出黎，超邪恶既一个下午茶，流心又多，自己食到好饱。呢个真系好好食！但食完之后一定肥３磅。要去附近楼梯街行返个圈先。我同两个朋友食完都对恒香改观左，以前成日得觉得老婆饼好食，原来其他食物都可以做得好。可以再值得一试。