餓媽家姐 (已搬遷) 新店位置

上星期同朋友做完gym差不多9点有啲肚饿，行左去厚褔街想轻食少少野医肚，经过呢间新开小食店，个名好得意，就吸引左我地入去试下！我地拣左芝士菠萝安格斯牛burger，牛味浓郁juicy，加上芝士，菠萝，新鲜蕃茄同埋生菜，一啖食落去，搭配得好正，芝士嘅浓郁香味同埋菠萝嘅清新甜味，好满足！跟套餐包小食同饮品，只要加$20起就得，抵食！另外叫左份慢煮无激素鸡胸沙律，沙律份量好大，清新开胃！鸡胸肉食落去好软嫩多汁，肉质鲜嫩，沙律菜很新鲜，最重要系营养丰富，健康又饱肚。最后，仲加左份陈皮鱼蛋，14粒只系$20！鱼蛋有陈皮嘅香味，好弹牙！