影片
更多
2023-11-26
245 浏览
做Office成日都坐喺度，所以间唔中都会食沙律健康啲。公司楼下就有一间树屋嘅分店，中午时间经常都大排长龙。最欣赏嘅系佢哋成个菜单都系支持紧可持续发展，每道菜都会写明排放左大约几多二氧化碳，感觉为地球出一分力，食嘅满足感都大啲。今次就带钟意食肉嘅男朋友仔尝试一下素食，希望佢都可以入坑。😆素食初鸟嘅佢就嗌咗个汉堡，另外升级做套餐，配上番薯条同埋一杯姜柠檬茶。而我就嗌咗一个经典沙律cedar清清肠胃，但作为一个钟意甜品嘅女人，当然唔少得加多一块朱古力坚果曲奇做饭后甜品。😆佢嗌嘅森林汉堡超级一大个，层层分明，望到就好似电视广告拍出嚟嘅一样🍔 酸种面包好好味，食落啖啖冇负担。汉堡肉用上咗大啡菇同埋红菜头制作而成，食落好香好Juicy，连佢呢个食肉兽都大赞拍得住真肉，而我就觉得比真肉更加好食！包嘅馅料仲配上咗茄子鱼子酱同埋各款新鲜嘅生菜蕃茄洋葱等等，食落好fresh超好味！番薯条超粗，配上佢哋嘅招牌香蒜酱汁，番薯香味好出，但更加多咗层炸过嘅香脆，系我目前为止食过最好食嘅番薯条。我嘅沙律就有牛油果，南瓜，同埋各款杂菜。好钟意佢哋嘅沙律菜够新鲜，而且款式好多，钟意嘅话都可以自己配搭。好欣赏店舖会将酱
做Office成日都坐喺度，所以间唔中都会食沙律健康啲。公司楼下就有一间树屋嘅分店，中午时间经常都大排长龙。最欣赏嘅系佢哋成个菜单都系支持紧可持续发展，每道菜都会写明排放左大约几多二氧化碳，感觉为地球出一分力，食嘅满足感都大啲。
今次就带钟意食肉嘅男朋友仔尝试一下素食，希望佢都可以入坑。😆素食初鸟嘅佢就嗌咗个汉堡，另外升级做套餐，配上番薯条同埋一杯姜柠檬茶。而我就嗌咗一个经典沙律cedar清清肠胃，但作为一个钟意甜品嘅女人，当然唔少得加多一块朱古力坚果曲奇做饭后甜品。😆
佢嗌嘅森林汉堡超级一大个，层层分明，望到就好似电视广告拍出嚟嘅一样🍔 酸种面包好好味，食落啖啖冇负担。汉堡肉用上咗大啡菇同埋红菜头制作而成，食落好香好Juicy，连佢呢个食肉兽都大赞拍得住真肉，而我就觉得比真肉更加好食！包嘅馅料仲配上咗茄子鱼子酱同埋各款新鲜嘅生菜蕃茄洋葱等等，食落好fresh超好味！
番薯条超粗，配上佢哋嘅招牌香蒜酱汁，番薯香味好出，但更加多咗层炸过嘅香脆，系我目前为止食过最好食嘅番薯条。
我嘅沙律就有牛油果，南瓜，同埋各款杂菜。好钟意佢哋嘅沙律菜够新鲜，而且款式好多，钟意嘅话都可以自己配搭。好欣赏店舖会将酱汁分开上，咁就可以钟意落几多就几多，啖啖都系健康嘅感觉。
一个完美嘅一餐当然唔少得甜品，块朱古力曲奇继续延续左呢份健康嘅一餐，用上咗原糖，小麦粉，豆奶等等健康嘅食材去代替原本唔健康嘅材料。唔好以为健康版嘅都唔好食，呢块曲奇啖啖都充满朱古力粒，而且店员有轻轻烤过令到佢外脆内软，朱古力粒微微流浆，配上坚果嘅香，可以讲系比普通出边嘅曲奇更加好味！
2 浏览
0 赞好
0 留言
总括而言，呢度环境又开阳，嘢食又新鲜，我终于明白点解佢成日都大排长龙，我谂我好快都会变成排队嘅一员😂
张贴
