鮨一魂 (已結業)

劲高质lunch omakase!不嬲都好钟意食lunch omakase因为通常寿司都比较多，而且价钱比晚市平. 今日我就嚟到呢间香港铜锣湾皇冠假日酒店入面嘅鮨店试下先！佢个lunch有三款唔同嘅餐，今日我就食咗比较平嘅Sakura set, 有一款前菜、一款刺身、寿司10件同味噌汤同甜品，午餐来讲绝对够食。刺身同寿司每一样都非常新鲜，鱼味鲜甜，我自己最钟意就系个刺身间八同时令嘅深海星鳗寿司，第二道都好少食到👍🏻另外茶碗蒸都非常出色，热辣辣蛋又滑，入面好足料，啖啖都食到海鲜嘅香味。最后食埋个抹茶红豆雪糕，为呢餐高质嘅午餐画上句号，正！