完美煮意 (已結業)

咁啱呢头做完野，紧系揾地方医肚先啦~ 小小屋邨选择唔多，见到呢间台式野似系新开张无耐，即管同partner试下。过左繁忙午市，每枱都有人坐，好彩仲有一张吉枱，可以坐得舒服。午餐选择唔算多…主打唔同𩠌既台式肉燥饭或面…我叫左个猪软骨鸡翼肉燥饭，朋友叫左个茄子猪扒肉燥饭。肉燥汁多，味浓，一啲都唔hea。个猪软骨同鸡翼好入味，易入口。我加左杯姜蜜，冻冰冰天气下，暖返下先。经开附近既可以试下…屋邨内黎讲，呢间餐厅简直系亮点。