一鼎‧台式火鍋 (MOSTown新港城中心(4期))

营业中

休息中

最近马鞍山新开咗间台式边炉 ，𠮶日行经见到门口好多人等紧，咁啱又到饭点，决定排埋一份，睇吓啲嘢得唔得先🤣午市我哋叫咗个$289 澳洲200日纯谷饲牛吃到饱套餐，一共食90分钟，基本上都全包㗎喇😏汤底都有好多款，实有款啱你口味，我哋就叫咗熏鲣鱼汤同蕃客为主，上嚟先饮汤，个鱼汤系好清甜，个蕃茄就够哂浓味🤩澳洲纯和牛肉质比较粗糙啲，食落比较有咬口，Sɪᴢᴇ都大块 嘅，牛味唔算浓郁澳洲200日纯谷饲牛呢款系油花最靓嘅😍 食落口系有牛香同油脂香，牛味都系几浓嘅，口感系比较嫩滑啲澳洲黑安格斯封门柳午市有封门封食都比较少见，啲花纹都几靓，食落都爽口嘅特级牛舌卖相相当靓，劲粉嫩嘅颜色😍 渌一渌就食得，非常爽口弹牙，呢个牛舌我哋疯狂扫咗十碟🤣🤣除咗边炉之外，仲有多款台式小食任食🤩 其中嘅盐酥鸡香脆肉嫩，卤肉饭几浓味，肥瘦分明，台湾鸭血少少辣，几惹味，午餐肉都炸得好酥脆午市除左有冻柜嘅饮品任饮之后，仲包咗一杯台式手摇😚芝士琥珀顺滑嘅芝士加埋香浓嘅红茶，芝味好香浓，饮落都几顺喉香水爆柠叫咗少甜少冰，饮落香水味唔算好浓，唔呛喉，几舒服嘅，亦都饮到茶味，几有惊喜👍🏻如果晚市嘅话，手摇饮品系任饮添呀，放题边炉嚟讲