影片
更多
2017-06-30
2574 浏览
有个朋友喺Facebook睇到湾仔南洋酒店地库开咗间新上海菜，个名都几型，叫做老雪园，讲到好好食咁，话系以前北角雪园原班人马喺呢度开返，咁啱旧同学聚会，约咗喺铜锣湾，原来由铜锣湾过去都唔远，即管落去试吓，平时同班朋友都系去开上海总会或者苏浙食上海嘢，今次试呢间老雪园，佢哋绝对比得上其他𠮶啲所谓出名嘅上海嘢，坦白讲啲食物质素同环境远超想像。我哋班朋友都算系识饮识食，又有医生又有律师又有投行高层，但男校出身，一埋枱当然口不择言乱咁讲野，讲下个知客𠮶件窄身花花旗袍，讲下点解平日夜晚都咁多人，讲下点解咁多枱度有靓女，但讲还讲，讲到食我哋呢班友仔都非常嘴刁。一定有啲扮识食上海嘢嘅朋友争住点菜，但呢度好嘢，有个靓仔哥哥，听讲就系呢度嘅老板兼负责人，佢真系好熟上海菜，三扒两拨介绍咗好多𩠌，之后帮我地落埋单，咁我哋就继续乱讲嘢等食。嚟咗几款冷盘，我都讲唔晒叫咩名，最难忘嘅都系𠮶个马兰头同无锡脆鳝，马兰头食落去好有口感，同埋个味调得好香，唔错，𠮶个脆鳝，真系坚脆，佢唔系脆到食薯片个种，有质感，好食。仲有𠮶个银皮白肉，好爽，个汁好正，好食。主菜叫咗樟茶鸭，好松化，烟熏味恰到好处，正，但我哋成班麻甩佬最钟意
我哋班朋友都算系识饮识食，又有医生又有律师又有投行高层，但男校出身，一埋枱当然口不择言乱咁讲野，讲下个知客𠮶件窄身花花旗袍，讲下点解平日夜晚都咁多人，讲下点解咁多枱度有靓女，但讲还讲，讲到食我哋呢班友仔都非常嘴刁。
一定有啲扮识食上海嘢嘅朋友争住点菜，但呢度好嘢，有个靓仔哥哥，听讲就系呢度嘅老板兼负责人，佢真系好熟上海菜，三扒两拨介绍咗好多𩠌，之后帮我地落埋单，咁我哋就继续乱讲嘢等食。
嚟咗几款冷盘，我都讲唔晒叫咩名，最难忘嘅都系𠮶个马兰头同无锡脆鳝，马兰头食落去好有口感，同埋个味调得好香，唔错，𠮶个脆鳝，真系坚脆，佢唔系脆到食薯片个种，有质感，好食。仲有𠮶个银皮白肉，好爽，个汁好正，好食。
主菜叫咗樟茶鸭，好松化，烟熏味恰到好处，正，但我哋成班麻甩佬最钟意嘅一定系红烧元蹄，老婆喺度一定唔俾食，但系食落去感觉完全唔肥腻，你郁只碟佢会成旧跟住喺度浪，呢个真系冇得顶。当然佢个干烧虾仁亦都好特别，唔系平时清炒河虾仁淡茂茂个种，佢用干烧来整，都几醒目，唔错。伟哥介绍我哋食咗个柝骨竹笙鱼头，将成个大鱼鱼头拆骨加埋云腿竹笙冬菇丝，个味好食，配埋佢哋即场炸嘅锅巴，顶瘾。
肥仔佢哋话要食饭面，伟哥介绍咗个葱油拌面，一绝。我好钟意食葱，估唔到将啲葱稍为煎香左，伴落啲面𠮶度咁好食。
𠮶晚八条友，自己带咗两支酒，围住𠮶靓仔哥哥哥氹下佢，仲免埋开瓶费，超正。埋单每人四百几，铜锣湾湾仔酒店环境，高级上海菜，呢个价钱，抵食。
睇到佢午餐餐牌，套餐一位唔使＄100 ，仲要唔使加一，下星期试吓过嚟食个晏，另今晚唔记得饮酸辣汤，下次一定要食返。
张贴